Sëñ Ahmadu Baas

Sëriñ Ahmadu Baas mi ngi gane jamono ci atum 1980 ci dëkk buñuy wax Màkka Baas te mu nekk ci tundu Jurbel bokk ci goxu Bàmbey ci ngoxu Ngoy.

Di doomi Sëriñ Mbay Baas. Foofa ca Màkka Baas fa la jàngee Alxuraan ci way-juram ba wattu, bind ko fa itam, tàmbale fa njàngum xam-xam ba jàng fa téere yu bari door a ñëw Tuubaa yeggalee fa njàngum xam-xamam ci ay woroomi xam-xam.

Ku ci mel ne sëriñ Móodu Géy ,ñu jàng fa xam-xamu fiq. Ba mu fa jugee dem ci sëriñ Muhammadu Béey jàng fa lenn ci xam-xami tasawuuf door a jàll ci sëriñ Muhammadu Amiin Siise jàng fa batay fiq ak nahwu ak luxa. Jaar na itam ci sëriñ Sulaymaan Bajaan jàng miiraas balaaxa añs .

Dem ci sëriñ Daam Jaxate jàng fa luxa,dem ca sëriñ Xaadim Lóo ñu jàng fa nahwu itam.
Ginnaaw ba mu dem fële ca réewum Marog di yaatal ab gëstoom, dellusiwaat ci réew mi samp daara di jàngale Alxuraan ak xam-xam waaye itam di def ay waxtaan. Day bind ay way ci wàllu Arab ba def ci lu bari ci diiwaan waaye itam di bind ay way yu bari it ci làkku wolof.

Limat: 773289380

error: Content is protected !!