Catégories
Saabal

XAMEES NA BIS BI ÑU WAR A ÀTTE GUY MARIS SAAÑA

Ginnaaw bi ñu ko jàppee ca buntu njénde la muy wane naqaram ci yokkuteg njëgu mbëj gi, bañkat bii di Guy Maris Saaña dees na ko àtte 21 saawiye bu 10 waxtu jotee ca Ndakaaru.
Layookatam di Musaa Saar jot na ndigal li koy may mu layal ko ginnaaw bi ñu ko nëbbee jant bi luy jege ñaari weer.
Moom nag ñu koy toppe fippu, juddal coow lu rëy ak bokk ci doxub ñaxtu bu ñu tere.

Catégories
Saabal

Jéya ju metti moo am tay ci alxemes ji ca Luga

Jéya ju metti moo am tay ci alxemes ji ca Luga bi fukki waxtu di jot. Bunu sukkandikoo ci RFM, ñatti doomi Muritani ñoo ca faatu. Amna ñatt ñu ca am ay gaañu-gaañu ba ñu rawale leen ca raglu Aamadu Saxiir Mbay.

Catégories
Saabal

PETEROL BI AK LIGGÉEYAM CI SENEGAAL:

PETOROL BI AK LIGGÉEYAM CI SENEGAAL:

Bir yi tàmbali na, jëwriñ ji yore petorol bi ak yasara gi di Mamadu Maxtaar Siise tàmbali na ci talaata jii liggéey yi jëm ci génne petorol bi ca Sàngomaar ginnaaw bi mu xaatimee ndogalul meññal lu mujj li. Te ñi ko gaaral di ñi bokk ci sosyite bi war a amal liggéey bi. Jëf jooju nag mu ngi am ginnaaw bi Njiitu réew mi amalee ab ndogal buy maye ñu tàmbali liggéey bi te ñi koy amal di lijjantiy Óstaraali yii di (FAR AK WOODSIDE) lijjantig Amerig gii « Cairn Energy » ak lijjantig réewum Senegaal gii di PETROSEN. Toolub petorol bu Sàngomaar bi dina génne ci njëlbeen gi lu tollu ci ñaari téemeer ak fanweeri milyoŋ ci barigo tolloo ak téemeeri junniy barigo bis bu set. Li miy génnen lépp ci peterol dina tàmbali ci atum ñaari junni ak ñaar-fukk ak ñatt (2023) bunu sukkandikoo ci jëwriñ ji, ba tax ñu ngi ciy xaar barigo bi ñiy njëkk a génne bunu sukkandikoo ci APS.

Leeral:
Lijjanti g : entreprise

Leeral:
Lijjanti g : entreprise

Catégories
Saabal

JAMRA JURE NA NDAW SII DI RÀNGU:

Kureel gii di JAMRA noppi ngir jàmmaarloo ak ak RÀNGU miy lémbe lénd gi. Ki yor kàddug mbootaayug Diine googu, jure na ndaw si. RÀNGU nag waw na bët lool te ñime coow ginnaaw ba mu defee ay werale yu tegginewul ngir di ca siiwal ngontam xumbal ma muy def. Coow li mbir mi jur nag, taxul mu teggi tànkam benn yoon nde tóllanti na ko ginnaaw bi mu solee colka gu gàtte di wane céram ya siiwal ko ci mbaalu jokkoo gi. Lu ni mel la maam Maxtaar Gëy di ñaawlu, ba tax muy wax ne «RÀNGU mi ngi dëggal boppam ne dina def i biram 11i fani feewarye bii di ñëw di luy xëtt sàrti réew mi tënk njémmeer gi jëm ci yiw, ak jikko yu rafet. Bunu sukkaandikoo ci maam Maxtaar Gëy ginnaaw seen daje bi ñu nar a def àjjuma jii di ñëw ci ngoon, dina jébbal yoon ay firnde yuy wane jëf yu bon yi RÀNGU di def.

Leeral:
Jure =porter plainte
Njémmeer g=public
Lënd g=Internet
Mbaalu jokkoo g=réseaux sociaux

Catégories
Saabal

YÉERE AK I MUSIBAAM:

YÉERE AK I MUSIBAAM:

Yéere yi nuy sol moo nuy jox tawat yu bari, ñi gis ci àdduna ndax at mu jot dananu defarlu ci ay yéere ci li nu xayma 80i milyaar ci ay yéere.

Yéere yi nag tooke lan ciy def ngir mu rafet, nit ñi koy sol nag moom danuy tànn rafet gi rekk fekk ñoo ngi màbb seen ug dund te yëggu ñu ko. Yéere bu la gën a rafet moo la ëpp tooke. Bari na ay tawat yu bari ñuy jàmbat te fekk na yéere yi moo nu ko jox.

Catégories
Saabal

Bis ni tay la woon: 10i fani saawiye…

Bis ni tay la woon : 10i fani saawiyee 1994, sosug UEMOA.

UEMOA, mbootaay la gu ëmb réewi Afrig Soowu jant yi. Kureel la gu dolleeku ci yu fi nekkoon, ngir jàppndal gëndaloog koom-koomu Soowu Afrig gi.

10i fani saawiyee 1996 la ñu ko sos. Ndakaaru la ame woon. Daa dëgëral tërëlin yi ci sàrt bi sanc UMOA, mbootaay gi dajale réew yiy jëfandikoo Seefaa ci Soowu kembaar gi, ci la dale woon 12i fani mee 1962.

UEMOA, daa dolli ci bokk xaalis bi, boole koom-koom yi. UEMOA lu jëm ci xaalis bi lay saytu, te UEMOA gëndale koom-koomi réew yi la jublu, jaare ko ci def leen benn ja, bennale seen tërelin ci wàllu yoon.
Réew yii ñoo ko séq : Bene, Burkinaa Faaso , Kodiwaar , Gine Bisaawóo, Mali, Senegaal, Togo, Niseer.

Dalu UEMOA a ngi Wagadugu, gëblay Burkinaa Faaso .

Ak xaalisu seefaa bi waroon a dee, ECO juddu, yaakaaroon nañu itam faatug UEMOA ci atum 2020 mii. Walla boog ci melo wii. Ndax 15i CEDEAO yi ñoo waroon a booloo, bokk di benn ja, di jëfandikoo benn xaalis bi. Liy laaj bi sàmpe leegi mooy ba xam « Seefa-Eco » bii dafa nar a weddi ECO ba ñu waroon a may nu wéddikoo ci Farãs am déet.

Catégories
Saabal

Xeex gi Farañs di xeex làkku Wolof [1]

Xeex gi Farañs di xeex làkku Wolof

Catégories
Saabal

KAAWTEEF CA USUY

Lu doy waar te metti di ab liir bu ñu sànni ca àll ba mu jur coow lu rëy fële ca goxub Usuy. Alkaati yi ñoo gis ab liir buy dund te yaayam sànni ko ca àll ba ci bisub 30i deesàlaar 2019.

Li doy waar ci mbir mi mooy, liir ba amna fukki fan ak benn ca àll boobu bu nu sukkandikoo ci « seneweb » waaye Rfm nee na ayu-bis la fa am.

Jamono jii nag mu nga ca cuuruur bu Usuy, yaayam mi am 27i at te nangu ne moo def jëf ji ginnaaw bi ko luññutukat yi sonalee; mujj nañu ko yóbb ca kanamu toppekat ba.

Catégories
Saabal

SONKO AMNA DËJ

Ibraayma Jaxabi noppalu na, biig, ginnaaw ag jagadi gu yàgg. Taskatu xibaar la woon, doon liggéeye GFM.
Moo gaaraloon kàddu yu xóot yi ci xëtu feesbugam, ci 24i fani saawiye 2019 :

Dafa am jamono yoy la woon day wonni, am tolluwaay yoy ne nemm wóorul. La fay tane ci lu wóor mooy def lu wóoradi. Nanu aamu lu wóoradi ngir Usmaan Sonko am ndam, 24i fani feewriyee 2019 ca ngoon

Jaxabi moo saytu woon diggante Pastéef ak caabal gi. Sikkuwul ne bokk na ci ñi ubbil Sonko ay wunt, niit ko ba ñépp seen ko.
Yal na suuf woyof ci kawam. Boroom pastéef la woon…

Catégories
Saabal

BIRI XIIXAAN JAAXAL NA MAKI SÀLL LOOL

Ngir xeex xiixaan, Maki Sàll teg na ci cempteŋ li ab sàrt ngir kaaraangeg réew mi:

Dafay doon luy jox kilifay njémmeer gi jumtukaay yu nu yoonal yuy tax ñu man di jël i saafara yu jag te tolloo ba noppi méngoo ak jafe-jafe bi taxaw, ngir xeex congi xiixaankat yi walla jépp jëf ju niroo ak moom, niki jël i nit, tooñ, walla di màggal jëfi xiixaan. Kenn dootul nangooti ku ñëw di nu jàngal Islaam ju wuute ak ji nu xam te mu lalu ci jàmm, ak déggoo, ak yaatu dënn ak fonkante, te Senegaal di ko dundal ay xarnuy xarnu booba ak leegi. Ci noonu, Càmm gi dina wéy di saytu tënku gi ñu war a tënku ci sàrt yi ak dogal yiy dox ci réew mi. Ci wàllug yoon, ginnaaw ndogal yi nu amal ci nangu tëye ak jël alali nit, ak kuréeli xiixaan yi, war na ñu itam bàyyi xel doxiinu lënd gi bu baax ndax dafa di barab bu ñuy jaar ngir di jàllale seen i bataaxel ak di fa jote ay koppar.

Loolii la njiitu réew mi xamle.

Leeral:
Xiixaan =terrorisme
Cempteŋ l=la table
Xiixaankat =terroriste
Càmm g= l’Etat
Njémmeer g=le public