Catégories
Saabal

DOOMI IRAŊ YI DAJE NAÑU

DOOMI IRAŊ yi nag, def nañu ay ndaje yu mag te kenn yëglewu ko ngir ñaawlu xiixaanug Merig ginnaaw ba mu faatee Xasem Sullaymaan ak ñenn ca ñay xeex noteel.

Ñaxtukat ya nag ñoo ngay sàkku ci njiiti bokkeefug Lislaam gu Iraŋ gi ñu fayyu ca na mu gën a mettee ci DOOMI AMERIG yi ak Israayel.

Leeral:
Bokkeef g=République
Xiixaan g=terrorisme

Catégories
Saabal

IRAŊ DIGE NA NE DINA FAYYU:

IRAŊ DIGE NA CI ÀJJUMA JI NE DINA FAYYU RAY GI ÑU RAY XAASIM SULLAYMAAN DI KENN CI NJIIT YI GËN A AM SOLO CI KÀRCEB TEERÃ CA IRAAG.

Moom nag waa Amerig a ko faat cig cong goo xam ne Donaal Tóramp moo ko digle. Mu doon mbir mu doy waar moo xam ne la cay juddoo man naa ëpp i yoxo ci jamono ji nga xam ne nii ñàkk a déggoo gu mat sëkk dafa am ci diggante aasintoŋ ak Teeraŋ. Ngir wutal ku wuutu Sullaymaan, njiit lu mag lu jeqiku ga di Aayaatelaa Aayaxameney tabb na ka toppoon ci moom, ñaar fukki at a ngii ci ESMAAYEL GAANI ba noppi di dëggal, yoon wi nga xam ne moom la kàrceb Al-Xutsu jaaroon dara soppeekuwu ca.
« Ginnaaw faatug jàmbaar jii di Xasem Sullaymani, maa ngi tabb ki topp ci moom di Esmaayil Gaani ngir mu jiite kàrceb Al-Xutsu.» Bu sàmmkati jeqiku gi, loolii la Elxemeney wax ci saabal bi mu siiwal ci dalub Càmm gi.

Leeral:


Saabal b=communiqué
Càmm =Etat

Catégories
Saabal

WAX NE WOLOF DU AW LÀKK MOOY AG RÉER

WAX NE WOLOF DU AW LÀKK WALLA XEET, MOOY RÉER DËGG AK ÑÀKK XAM-XAM

Ca Esibt gu njëkk ga ak nguur gii di BÀNTU ak làkk ya ñu fa daan wax.

Wolof aw xeet la, am aw làkkam wu mu jagoo, aw làkkam jotewul dara ak làkku fulbe pël, ñoo bokk seen ug bokk ci meen, waaye seen i làkk wuute nañu. Loolu nag mi ngi mel ni séeréer ak joolaa, ñoo bokk i meen. Wolof dafa am làkku boppam ak mbindum boppam. Seex Ahmadu Bàmba bind na lu bari ci wolof, moo xam way walla taalif ngir dundal ko, ci làmmiñu ay ndongaam, sëriñ Muusaa Ka … Bu defutoon li mu def wolof naax-saay.

Mbooleem làkk yi amoon ci nguurug « BÀNTU » daan nañu leen wax ca Esibt gu yàgg ga. Esibt gu yàgg ga mooy ndayi làkk yi ñu daan wax ci nguurug « BÀNTU. » Jàngat bi Seex Anta Jóob wane nag ak jokkoo gi am ci Esibt gu yàgg ga ak làkki Afrig yu tay, ñu xàmmee ci wolof yu Senegaal. Seex Anta Jóob wane na ci lu leer ne ñoddi gi Esibt gu yàgg ga ñoddi Esibt gu tay gii, bokk gi làkki ñoñ Afrig bokk ak Esibt gu yàgg ga ci téereem bii nuy wax: Mboorum Afrig gépp. Lu bari ci làkki Afrig yi manees naa firndeel seen cosaanam ci Esibt gu yàgg ga. Te manees naa weddi te teg ko ci xam-xam jàmmaarloo ak képp ku tubaab bi naanum xelam ba muy wax naan wolof du làkk, du xeet.

Ngir joxe ay niral ci bokk gi Esibt gu yàgg ga ak làkki waa Afrig bokk nday

1- Ca Esibt gu yàgg ga kef daf daan tekki « teg loxo ci mbooloo mu doon def ñaawtéef « 
2- Ci wolof muy tekki « teg loxo ci kenn ku doon def ñaawteef walla kiy rëbb li muy rëbb »
3- Feh ci Esibt gu yàgg ga di tekki dem
Feh ci wolof di tekki yónni/yabal
4- « Kheep » Esibt gu yàgg ga di tekki jaarukaay ndox
« Kheep » ci wolof di tekki mbir mu tooy, « Tooy xipp »

Képp koo dégg mu naan wolof du làkk, mbaa du xeet bul ko tont, xamal ne tubaab li muy def ci ki mu noot mooy xeebloo ko boppam, loolu rekk a ko dal.

Aji-bind ji Imaam Ñaŋ

Wolof ak Xamle

Catégories
Saabal

Njaatigel njaayum garabi réew mi àddu na

Njaatigel njaayum garabi réew mi Aan Sekk Njaay àddu na ngir ñu fayeeku galag ci watsab bi ngir dooleel garabi paj mi ci Senegal:

Ci Senegaal ñiy jëfandikoo lënd gi ci seeni jollasu takku nañu lool. Kon war nanoo seet i pexe ba fayloo leen bataaxel ak ndéggat yiy jaar ci watsab bi ak sax yeen mbaali jokkoo yi. Loolu lépp war na ñu koo xool ngir dimbali paj mi. Ndax lépp daa war a bawoo rekk ci Nguur? Ndax waru noo seet yeneen pexe? Fan la nu war a jële yooyu pexe?», di laaj yi mu samp moom doktoor Njaay ci « Soleil ».

Catégories
Saabal

Faatug Nd G ngone su jigéen su am 2i at ca Mbuur

Ngone su jigéen la ñu fekk mu faatu ci tabax bu yeggul ca Mbuur. Goneg 2i at gii, mu réeroon àllarba bii wees, ci tabax bu yeggul la ñu ko fekk mu faatu ca koñu Liberte 2 Bay-dëkk ca Mbuur. Gone gii réeroon àllarba bii wees, ci ay xeer la ñu fekk ñu làq ko fa. Kenn ku bokk ak moom kër nag takk-der yi téye nañu ko ndax moom la ñu njort ne moo ko def.

Catégories
Saabal

Iraŋ yuuxu na yuuxug fayyu jëme ca Amerig

Lënkoo-xare yu farandooy Iraŋ ya fa Iraax woo nañu « képp ku bokk ci karce gi » nga « taxaw jonn waajal xare » ci Amerig ngir deewug seneraal bu jàmbaare bii di Xaasim Sulaymaani, nekkoon daanaka wéeruwaayu Iraŋ foofa. Abu Mahdi Al Muhammat jël na gox boobu def ko muy farataam niki tay.

Ñi ci jiitu ci googu woote ñooy ñi jiite karceg Al Xuds di ñiy saytu jeqiku ga, te ñu dénk leen biri Iraax. Ki ci tege di, njiitul Haas Al Saabi lënkoo gi boole mbooleem njabootu karce gi, lënkoo-xare gog sax jaxasoo woon na ak kerceg Iraax gi. Jëf ju ñaaw jooju, tax ñi gën kawe ca nguurug Iraŋ wane seen naqaruw xol tay ci àjjuma ji, neee dinañu « fayyu » ci kaw Amerig, di lees ragal nag mu jur ag jàmmaarloo.

Ci jamono jooju teewaluwayu Amerig foofa ca Baxdaat wax na saa-amerig yi ñu génn Iraax « ci na mu gënee gaaw » ndawal Amerig li xamal na ay ñoñam ne bu fa kenn des te ku man a jël « ropplaan moo ca gën » walla « ñu jël yoonu suuf wi dugg ci réew yi digaloo ak Iraax » yoon yi gën a ubbeeku ci ay digam nag moom Iraax mi ngi jëm Iraŋ ak Siri mi nekk ci xeex jamono jii, teewut nag amna yeneen jaaru yu jëm Araabi Sawdi ak Turki.

« Fayyu gu matale dees na ko def ñeel jëfkati pékke wi »

Kilifa gu mag gu Iraŋ gi xas na ne fayyu gu tar dinañu ko def, Ayaatullaah Aali Xamani, aamu na ne dina « fayyul » deewug Xaasim Sulaymaani digle it ñatti fani sarax ca réew ma yépp. Joxe bakan mooy payug liggéeyam bu matale ci dundam gépp (…) te su neexee Yàlla, ab liggéeyam ak i yéeneem du yam fii dina wéy ba fàww, « fayyu gu matale dees na ko def ñeel jëfkati pékke wi » ak képp ku mas a taqal say yoxo ci lii mbaa lu ni mel di kàddu yi mu rotal moom Ayatullaah Xamani

Catégories
Saabal

Yat wu am i gët di gindee

Ñaari dongoy ci daaray farañse fent nañu ab tum ngir silmaxa yi ci Senegaal

Maalig Faal ak Kani Kan ñoo ko fent, ab tum dañu koo defar ngir dimbali walla gindi nit ñi dul gis walla seen ub gis neexul. Yat wii toll ci benn ñay da ñu koo defar cig xarala goo xam ne dafay wane ay bir yu nekk ci kanamu nit ki ci riir walla yuuxu, ci xamleg « Socialnetlink ».
Tum bi nag dina dimbali silmaxa bi mu man di doxi soxlaam, jéggi tali ak di moytu pakk yi ci yoon wi. Li koy artu pësin la bu ndaw yooyu liggéeyaale ci bant bi.
Fii nag la réew mi di xaar jépp doomam, mu wane xereñam ci di sos ak a sottal ay bir ak i jumtukaay yuy yombal dundug nit ñi. Fent ak sos ay bir ak yokk xereñug bir yi jot a am bokk na ci li man a suqali am réew ci lu gaaw.